Spalato

Spalato

Tuesday, April 14, 2015

Malac

Justo san pri misec dana upozna čovika, pazi, čovika na Matejušku. Razminija par besidi, i lega mi, onako ka na personu ipo!!

Fotoaparat oko ramena, friz kreativni nered, ko bi ga špatulom složija?? Jbte , Čovik se bavi fotografijom, po splitski, litretaje, iz nekih njegovih zajebanih kantuna, vidi ovaj cirkus naopako...evala mu bilo!

Toliko je isempjan, infentan u to Oko ča gleda kroz buzu , da je u stanju pratit vrimensku progonozu, godin dan unaprid! Kamikaza, jednom riču!
Lik ima batlera, koji ita kruv, cimaje na suvo. Ka u doba aristokracije kad je, neki slični njemu, baca pjate u ariju a ovaj vižba gađanje iz lovačke puške ...Toni skužaj!

Tako vam se, ON, ka nekoj čeki, namisti i čeka galeba u letu...luđak!!' A jopet ako se misliš bavit tim stvarima ne mož imat drugu dijagnozu.

Da se , vratim na ono malac, u naslovu?
Prvo san bija zbunjen?? Jbte ovo je jedan od ritkih muških koji svoj organ zove "malac". Jerbo bez njega nikad gre vanka! Pa san mislija, Čovik ima nekog kućnog jubimca...ma je ku*ac, Judi moji.

"Malac" vam je čudo od tehnike, fotoaparat, od kojeg se ne odvaja, onako delasjoma, preko ramena mu visi. I čeka svoju žrtvu ...ubojit taj "malac"!!
Opizdi jedanaest slika u sec ..ne mož virovat. Spreman je nas, jedanaest istih, posložit u špalir !!
Ono ča je najgore, lik ima zajeban GMO kombinacija od prababe Wagner do Poljicke republike! Jbte, je ga izmišalo, od classic do poljickog soparnika!
Disciplina i dobra spiza, morbidan mozak, a likarija od čovika!! A živi svaki dan s nama i dragoj Matejuški, čiji je kultni osnivač u fotografijama, i jubavi prema istoj ...

Zamisli ti švabu i Matejušku, soparnik i srdelu. Ma spojija ka nebo i zemlja ...evala mu bilo! Sva njegova lipota i sug koji ocidija u fotografijama su dil njegove duše i jubavi prema istome. Na dobro ti doša u tvoj život, moj Kumapnjo!!
Pri svega, jema ono najteže brime: Čovik ! Malo je takvih danas, nima nas puno al' smo dobro raspoređeni...


Malac moj, fala ti za svaki snimak, besidu, vrime provedeno s tebon jer ono ni nikad izgubljeno!!
Na dobro doša u moj život
Evala ti bilo!